Ir o contido principal

Máster Universitario en Prevención e Abordaxe Multidisciplinar das Drogodependencias e Condutas Aditivas

  • En tramitación
  • Nova oferta
Modalidade
Híbrida
Rama de coñecemento
Ciencias da Saúde
Ámbito de coñecemento
Interdisciplinar.
Centro(s)
Facultade de Medicina e Odontoloxía
Rúa de San Francisco, s/n , 15782
Santiago de Compostela
881812219 (Conserxería)
881812237 (Decanato)
medicina.decanato [at] usc.gal
Facultade de Medicina e Odontoloxía
Rúa Entrerríos, s/n, 15782
Santiago de Compostela
881812343 (Conserxería)
881812340 (Negociado)
odontoloxia.negociado [at] usc.gal
Facultade de Medicina e Odontoloxía
Rúa Choupana, s/n, 15782
Santiago de Compostela
981956183 (Conserxería)
Campus
Santiago de Compostela

As drogodependencias e as condutas aditivas constitúen un problema central e importante de saúde pública nos países desenvolvidos. O consumo de substancias de abuso, o xogo patolóxico, o uso problemático da internet e videoxogos afectan a unha gran parte da poboación, mentres que o consumo de drogas ilegais ten maior prevalencia na poboación máis moza. En todos provoca incapacidade e gran sufrimento polo padecemento de moi diversas patoloxías, entre as que se inclúen as neuropsiquiátricas. Como resultado, as condutas aditivas en xeral e máis concretamente, o consumo de drogas legais e ilegais, xera unha gran carga para o individuo e para o conxunto da sociedade, en termos de consumo de recursos sanitarios, gasto en programas preventivos e de tratamento, perdas de produtividade laboral debidas a mortes prematuras e falecementos, custos xudiciais, dor e sufrimento que xera a adicción aos consumidores e ao seu contorno social máis próximo.
As condutas aditivas están moi presentes na sociedade, polo que esta formación pode ser útil para o exercicio das actividades sanitarias e non sanitarias dos profesionais que o cursen máis alá dos dispositivos específicos de drogodependencias. A implementación de estratexias de abordaxe nas consultas privadas, o coñecemento do funcionamento da rede asistencial pública e a capacidade de realizar plans de prevención en colexios e entidades sociais de calquera tipo, son habilidades e coñecementos necesarios para unha ampla gama de profesionais interesados nesta problemática.
Polo tanto, detéctase a necesidade de implantar un máster universitario na Comunidade Autónoma de Galicia que teña como obxectivo a formación académica avanzada de carácter especializado e multidisciplinar orientado á práctica laboral e profesional no eido das drogodependencias e condutas aditivas.

Duración: 2 anos académicos
Código RUCT: 3500739
Número de ECTS: 90
Número prazas: 20

Linguas de uso:
Castelán, Galego

Universidade coordinadora:
Universidade de Vigo

Universidade(s) participante(s):
Universidade de Santiago de Compostela Universidade de Vigo

Data de publicación no BOE:
01/01/1900

Obrigatorias: 49
Optativas: 20
Prácticas externas OB 13
Traballo fin de máster: 8

Total ECTS: 90

O plan de estudos do Máster Universitario en Prevención e Abordaxe Multidisciplinar das Drogodependencias e Condutas Adictivas ten un total de 90 ECTS, divididos en 3 semestres.

Non hai datos dispoñibles para o curso académico seleccionado.

Obrigatorias: 49
Optativas: 20
Prácticas externas OB 13
Traballo fin de máster: 8

Total ECTS: 90

Acceso

Os requisitos xerais de acceso ás titulacións de máster universitario son os recollidos no artigo 18 do Real decreto 822/2021, do 28 de setembro, polo que se establece a organización das ensinanzas universitarias e do procedemento de aseguramento da súa calidade. Máis información no seguinte enlace:
Acceso a Másteres

Admisión

A admisión ao máster virá definida con base nos seguintes criterios:
1. Grao de afinidade da titulación de acceso.
2. Expediente académico dos estudos que dan acceso ao máster.
3. Experiencia profesional no ámbito das drogodependencias ou condutas aditivas.
4. Cursos ou formación relacionados coas condutas aditivas.
5. Entrevista personal (opcional)

O expediente académico terá un peso máximo do 60% do total, e os outros méritos un peso máximo do 40%.

- Comprender o funcionamento e efectos das substancias adictivas, así como as estratexias de prevención, diagnóstico e abordaxe terapéutica das adiccións
- Adquirir coñecementos interdisciplinarios en xenética, medicina, neuropsicoloxía e psicopatoloxía relacionados coas adiccións.
- Aplicar programas preventivos e terapéuticos considerando o enfoque de xénero para adaptar as intervencións ás necesidades específicas.
- Desenvolver habilidades para intervir de maneira precisa, utilizando terminoloxía especializada e aplicando criterios de intervención baseados en evidencia na prevención, diagnóstico e abordaxe terapéutica das adiccións.
- Dominar técnicas de elaboración de cuestionarios, análise de datos e interpretación de resultados para aborda-las conductas aditivas de maneira efectiva.
- Formar profesionais con sólidos fundamentos científicos que lles permitan comprender, interpretar e analizar o comportamento aditivo, así como avaliar e intervir de maneira eficaz.
- Coñece-los diversos mecanismos de acción das drogas e adiccións de comportamentos e a súa relación con aspectos derivados da neurobioloxía, xenética e aspectos sociais.
- Coñecer as diferentes abordaxes terapéuticas tanto farmacolóxicos, psiquiátricos e psicolóxicos para así seleccionar medidas de abordaxe e reinserción social adecuadas para persoas con trastornos aditivos.
- Familiarizarse cos recursos asistenciais dispoñibles, tanto públicos como privados, para abordar estes trastornos de maneira integral.

COM01 - Comprender e aplicar coñecementos avanzados en prevención e abordaxe terapéutica en drogodependencias e condutas aditivas.
COM02 - Interactuar e comunicar eficazmente con persoas afectadas, as súas familias, mediadores sociais e outros profesionais, demostrando empatía e habilidades de resolución de conflitos.
COM03 - Coñecer e aplicar metodoloxías e recursos en farmacoloxía, psicopatoloxía, prevención, educación, abordaxe terapéutica e aspectos legais, así como analizar e reflexionar sobre estes enfoques.
COM04 - Desenvolver intervencións preventivas e clínicas de maneira autónoma, con capacidade para innovar e aplicar ideas orixinais en contextos de investigación.
COM05 - Capacidade de análise, síntese e xestión da información.
COM06 - Resolver problemas e tomar decisións efectivas, adaptándose a novas situacións.
COM07 - Traballar eficazmente de maneira autónoma, en equipo interdisciplinar, mostrando habilidades interpersoais e recoñecendo a diversidade e multiculturalidade.
COM08 - Actuar con compromiso ético, razoamento crítico e responsabilidade profesional no contexto das adiccións e drogodependencias
COM09 - Capacidade para deseñar e xestionar proxectos de investigación en adiccións.
COM10 - Avaliación crítica da literatura científica en adiccións.
COM11 - Interactuar de maneira empática e efectiva con persoas con condutas aditivas, utilizando habilidades comunicativas para resolver problemas e manexar conflitos.
COM12 - Comunicar información de maneira clara e adaptada a distintos públicos e formatos, mantendo un enfoque profesional e adecuado a cada contexto.

HAB01 - Comprender a vulnerabilidade psíquica e analizar socialmente a prevención e tratamento de adiccións.
HAB02 - Deseñar, planificar e avaliar programas de prevención e intervención en colaboración con outros profesionais.
HAB03 - Abordar eficazmente casos clínicos con Trastornos por Uso de Substancias (TUS).
HAB04 - Crear programas de prevención considerando a diversidade e a perspectiva de xénero.
HAB05 - Adaptar e perfeccionar continuamente a práctica profesional en drogodependencias e adiccións.
HAB06 - Coñecer a organización e programas das Unidades Asistenciais de Drogodependencias (UAD).
HAB07 - Formular obxectivos e desenvolver plans de intervención baseados en avaliacións precisas.
HAB08 - Elaborar e coordinar estratexias preventivas adecuadas, incluíndo redución de danos e riscos.
HAB09 - Valorar a responsabilidade na consecución dun futuro sostible.
HAB10 - Reflexionar e innovar en prácticas educativas, fomentando a aprendizaxe autónomo e cooperativo.
HAB11 - Aplicar e seleccionar adecuadamente as tecnoloxías da información e comunicación na aula.
HAB12 - Analizar condutas aditivas e os seus impactos desde unha perspectiva feminista, identificando e abordando a discriminación e violencia de xénero.
HAB13 - Identificar factores xenéticos relacionados coas adiccións.
HAB14 - Habilidades para a divulgación científica e comunicación de resultados.

CON01 - Definición e terminoloxía clave en condutas aditivas e drogodependencias.
CON02 - Diferenzas entre uso, abuso e dependencia de substancias.
CON03 - Condutas aditivas sen substancias (xogo, internet, compras compulsivas).
CON04 - Historia do uso e abuso de substancias.
CON05 - Influencias culturais e antropolóxicas en condutas aditivas.
CON06 - Impacto socioeconómico das drogas e adiccións.
CON07 - Análise das adiccións desde unha perspectiva de xénero.
CON08 - Impacto diferencial das adiccións en mulleres e homes.
CON09 - Estratexias de intervención considerando o xénero.
CON10 - Factores xenéticos e predisposición ás adiccións.
CON11 - Modelos psicolóxicos e teorías sobre a adicción.
CON12 - Avaliación e diagnóstico de trastornos aditivos.
CON13 - Clasificación de substancias con potencial de abuso (alcol, tabaco, drogas ilegais, medicamentos).
CON14 - Clasificación de adiccións comportamentais (xogo, internet, videoxogos).
CON15 - Datos estatísticos e tendencias no consumo de drogas e adiccións comportamentais.
CON16 - Xeopolítica das drogas e as súas implicacións.
CON17 - Interacción de factores biolóxicos, psicolóxicos e sociais nas adiccións.
CON18 - Neurobioloxía do pracer e a recompensa.
CON19 - Factores de risco e protección.
CON20 - Estratexias de prevención, tratamento e inserción social.
CON21 - Avaliación e coordinación de accións preventivas e terapéuticas.
CON22 - Principais teorías explicativas das adiccións.
CON23 - Modelos de intervención.
CON24 - Perspectiva de xénero nas teorías da adicción.
CON25 - Fundamentos neurobiolóxicos das adiccións.
CON26 - Principios de farmacocinética e farmacodinámica.
CON27 - Efectos das substancias no sistema nervioso central.
CON28 - Psicopatoloxía e trastornos comórbidos.
CON29 - Métodos de avaliación, diagnóstico e planificación de tratamentos.
CON30 - Tipos de recursos dispoñibles: centros ambulatorios, residenciais, comunidades terapéuticas.
CON31 - Abordaxes terapéuticas específicas para diferentes substancias e adiccións comportamentais.
CON32 - Estratexias de intervención con menores e adolescentes en risco.
CON33 - Adiccións en poboacións vulnerables: persoas sen fogar, inmigrantes, minorías étnicas.
CON34 - Consideracións especiais para mulleres e persoas maiores
CON35 - Definición e tipos de prevención: universal, selectiva e indicada.
CON36 - Estratexias e políticas de prevención TIPO: Coñecementos ou contidos
CON37 - Factores de risco e protección na familia, a escola e a comunidade.
CON38 - Avaliación de plans autonómicos e locais de prevención.
CON39 - Análise de experiencias exitosas en prevención e inserción social.
CON40 - Métodos cuantitativos e cualitativos na investigación de adiccións.
CON41 - Estatística aplicada na análise de condutas aditivas.
CON42 - Innovacións tecnolóxicas na investigación sobre adiccións: (big data, intelixencia artificial).

Mobilidade

A información sobre os programas de mobilidade do estudantado, persoal docente e investigador (PDI) e persoal de administración e servizos (PAS) atópase nas seguintes ligazóns:
https://www.uvigo.gal/es/estudiar/movilidad
(UVigo)
https://www.usc.gal/gl/institucional/goberno/area/normativa/alumnado
(USC)

Prácticas

As prácticas externas desenvolveranse en centros dedicados á prevención, tratamento e reinserción de persoas con drogodependencias e condutas aditivas (UADs), ONGs con subvención por parte da Consellería de Sanidade para a implementación de programas preventivos, clínicas privadas especializadas e recoñecidas para a abordaxe e tratamento de persoas con problemas derivados do consumo de drogas e/ou outras adiccións comportamentais, concellos e institucións que desenvolvan programas de carácter preventivo e asistencial.
De forma xeral, desenvolveranse principalmente en:
- Equipos de traballo en prevención das drogodependencias e condutas aditivas.
- Dispositivos de traballo en tratamento e abordaxe das drogodependencias e condutas aditivas.
- Traballo no ámbito da epidemioloxía e a investigación en drogodependencias e condutas aditivas.
- Unidades de saúde mental
- Unidades de tratamento das drogodependencias e condutas aditivas

A avaliación da materia realizarase a través da presentación e defensa pública do traballo fin de máster (60%) e un informe elaborado polo director, que incluirá a avaliación dos resultados de aprendizaxe previstos (20%).
Para a presentación, será necesario contar coa aprobación do titor-director do proxecto.
A defensa pública levará a cabo fronte a un Tribunal Cualificador composto por tres profesores do claustro do Máster (20%), excluíndo a participación do director-titor do traballo.

Non hai información dispoñible neste momento.
Os contidos desta páxina actualizáronse o 24.01.2025.