Máster Universitario en Investigación Química e Química Industrial

Os alumnos/as que queiran acceder ao mestrado deberían:

-Estar en posesión de coñecementos suficientes de Química Analítica, Química Física, Química Inorgánica, Química Orgánica, Bioquímica e Bioloxía Molecular e Enxeñaría Química.
-Dispoñer de coñecementos básicos de Matemáticas, Física e Bioloxía.
-Posuír unha formación experimental suficiente para o manexo de materiais e para a execución de tarefas habituais en laboratorios químicos.
-Dispoñer de competencias e habilidades relativas ao manexo das aplicacións máis comúns de ofimática.
-Mostrar interese polo Máster e demostrar capacidade de traballo.

Os estudantes que cursasen os seus estudos fóra de España poderán ser admitidos sen necesidade de homologaren o seu título sempre que acrediten un nivel de formación equivalente aos correspondentes títulos de acceso españois, de acordo co establecido no Real Decreto Lei 1393/2007 e no 861/2010.

Condicións de terminación:

Obrigatorias: 15
Optativas: 21
Traballo fin de máster: 24
Total: 60

Despois do período de matrícula e uns días antes do inicio formal do curso académico desenvólvese un acto de recepción aos novos estudantes, onde se lles dá a benvida e preséntaselles aos coordinadores, titores e profesores. No devandito acto infórmaselles tamén dos servizos que se lles proporcionan polo feito de seren estudantes e de calquera normativa que lles poida ser de especial interese para o adecuado desenvolvemento da súa vida no campus.

Cada unha das universidades do consorcio mantén a través das súas páxinas WEB, folletos institucionais, coordinadores do máster e Unidades de Información que permiten orientar e reconducir as dúbidas dos estudantes xa matriculados.

Ademais de contar cos procedementos de acollida e orientación a estudantes de novo ingreso, este mestrado establecerá un Plan de Acción Titorial, que comeza co nomeamento do titor académico. Contémplase que os alumnos teñan un apoio directo no seu proceso de toma de decisións e un seguimento continuo a través da figura do titor. Os mecanismos básicos do Plan de Acción Tutorial desde a entrada no mestrado son a titoría de matrícula, que consiste en informar, orientar e asesorar o estudante a respeito de todo aquilo que é competencia do plan de estudos e o sistema de apoio permanente aos estudantes unha vez matriculados, que consistirá nun seguimento directo ao estudante durante todos os seus estudos de posgrao. Na carta de admisión ao mestrado infórmase aos estudantes do titor que teñen asignado.
O Titor tamén recollerá cantas suxestións lle queiran facer chegar os estudantes sobre o funcionamento do título, así como as reclamacións que crean pertinentes. O titor daraas a coñecer ao coordinador do mestrado da súa universidade, que tratará, no caso das reclamacións, de procurar unha solución satisfactoria. De o alumno non estar conforme coa resolución, elevará a reclamación á Comisión Académica do Máster através de calquera dos seus representantes, sendo aquela a que decidirá sobre a cuestión formulada. En última instancia seguirase o estabelecido para a resolución das reclamacións polos procedementos dos respectivos centros responsábeis.
A Facultade de Ciencias da UDC puxo en marcha un Plan de Acción Titorial xestionado por un coordinador no centro e coa participación do profesorado cunha función de titor do alumno, co fin de realizarlle un seguimento personalizado e identificar e tratar de eliminar as especiais dificultades que poidan interferir no rendemento académico dos alumnos.
Para iso, entre as actividades do PAT atópanse, entre outras, a realización de xornadas de orientación profesional e de divulgación das actividades dos grupos de investigación do centro, sesións informativas sobre o acceso a estudos de doutoramento (sobre bolsas, carreira académica e investigadora, etc) ou sobre programas de intercambio nacional e internacional de estudantes.

Despois do período de matrícula e uns días antes do inicio formal do curso académico desenvólvese un acto de recepción aos novos estudantes, onde se lles dá a benvida e preséntaselles aos coordinadores, titores e profesores. No devandito acto infórmaselles tamén dos servizos que se lles proporcionan polo feito de seren estudantes e de calquera normativa que lles poida ser de especial interese para o adecuado desenvolvemento da súa vida no campus.

Cada unha das universidades do consorcio mantén a través das súas páxinas WEB, folletos institucionais, coordinadores do máster e Unidades de Información que permiten orientar e reconducir as dúbidas dos estudantes xa matriculados.

Por outra banda, cada unha das universidades do consorcio teñen unidades que prestan apoio aos membros da comunidade universitaria con discapacidade. As súas actividades organízanse en tres áreas de traballo: Voluntariado e Cooperación ao Desenvolvemento, Atención á Discapacidade e Formación, Análise e Estudos.

O labor de apoio aos estudantes con discapacidade, co obxectivo de que poidan realizar todas as súas actividades na universidade nas mellores condicións concrétase en:

1. Atención, información, asesoramento e seguimento personalizado: para a realización da matrícula, aspectos organizativos, etc. O primeiro contacto ten lugar nos primeiros días do curso académico e, caso de que non haxa demandas específicas por parte do estudante, a Oficina volve poñerse en contacto con eles un mes antes de empezar as convocatorias de exames.

2. Accións conducentes á igualdade de oportunidades: servizo de titorías, asistencia por parte de coidadores procedentes das Escolas de Enfermería, servizo de intérpretes por lingua de signos, servizo de transporte adaptado e servizo de voluntariado de acompañamento. Ademais, facilítase a xestión de recursos materiais e técnicos, por exemplo a transcrición de exames e material impreso a Braille.

3. Asesoramento para a accesibilidade universal, tanto arquitectónica como electrónica.

4. Asesoramento e orientación ao emprego: programas específicos para estudantes con discapacidade.

5. Asesoramento ao persoal docente sobre adaptación do material didáctico e probas de avaliación e ao persoal de administración e servizos en canto á avaliación das necesidades do alumnado e as adaptacións que cada ano son necesarias.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Poderán acceder ás ensinanzas oficiais de máster:

1. As persoas que estean en posesión dun título universitario oficial español.
2. Aquelas que teñan un título expedido por unha institucion de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.

Admisión

Titulacións de acceso:
1. Titulacións prioritarias: licenciatura ou grao en química.
2. Titulacións secundarias: licenciaturas ou graos relacionados coas titulacións de química, así como licenciaturas ou graos en bioquímica, enxeñaría química, enxeñería industrial, ciencias dos materiais, farmacia e ciencias mariñas, ciencias ambientais, biotecnoloxía, Nanociencias ou outras titulacións universitarias cun formación química similar.
3. Menor prioridade: Outras titulacións universitarias que inclúen formación química no seu currículo.
Os titulados con menor grao de formación química, a criterio da Comisión Académica, poderán acceder tras cursar complementos de formación ata un máximo de 60 ECTS
Criterios de admisión:
1. Nota media do expediente académico da titulación de acceso: 85%
2. Méritos curriculares adicionais: 10%
3. Carta de motivación 5%
O alumno deberá acreditar coñecementos da lingua inglesa (polo menos un nivel B1 recoñecido). No caso de non poder acreditalo, a Comisión académica realizará unha entrevista cos alumnos.

- Posuír e comprender coñecementos que aporten unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
- Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidas dentro de contextos máis amplos (ou multidisciplinares) relacionados coa súa área de estudo.
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
- Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirixido ou autónomo.

- Innovar en espazos e ámbitos do campo de traballo, demostrando iniciativa e espírito emprendedor.
- Identificar información da literatura científica utilizando as canles apropiadas e integrar a dita información para folmular e contextualizar un tema de investigación.
- Valorar a responsabilidade na xestión da información e do coñecemento no ámbito da química industrial e a investigación química.
- Demostrar habilidade de analizar, describir, organizar, planificar e xestionar proxectos.
- Utilizar terminoloxía científica en lingua inglesa para argumentar os resultados experimentais no contexto da profesión química.
- Aplicar correctamente as novas tecnoloxías de captación e organización de información para solucionar problemas na actividade profesional.
- Valorar a dimensión humana, económica, legal e técnica no exercicio profesional, así como o impacto da química no medio ambiente e no desenvolvemento sustentable da sociedade.

- Definir conceptos, principios, teorías e feitos especializados das diferentes áreas da química.
- Propor alternativas para a resolución de problemas químicos complexos das diferentes especialidades químicas.
- Aplicar os materiais e as biomoléculas en campos innovadores da industria e enxeñaría química.
- Innovar nos métodos de síntese e análise química relacionados coas diferentes áreas da química.
- Avaliar correctamente os riscos e o impacto ambiental e socioeconómico asociado ás sustancias químicas especiais.
- Deseñar procesos que impliquen o tratamento ou eliminación de produtos químicos perigosos.
- Analizar e utilizar os datos obtidos de xeito autónomo nos experimentos complexos de laboratorio relacionándoos coas técnicas químicas, físicas ou biolóxicas apropiadas, e incluíndo o uso de fontes bibliográficas primarias.
- Valorar, promover e practicar a innovación e o emprendemento na industria e na investigación química.
- Operar con instrumentación avanzada para a análise química e a determinación estrutural.
- Planificare xestionar os recursos dispoñíbeis dunha empresa, laboratorio, ou da administración tendo en conta os principios básicos da calidade, prevención de riscos e sustentabilidade dispoñíbeis.
Coñecer o impacto ambiental dos procesos químicos industriais, así como as formas actuais de minimizalos incluíndo a trazabilidade e o tratamento dos residuos xerados.

- Elaborar, escribir e defender publicamente informes de carácter científico e técnico.
- Traballar en equipo e adaptarse a equipos multidisciplinarios.
- Traballar con autonomía e eficiencia na práctica cotiá da investigación ou da actividade profesional.
- Apreciar o valor da calidade e a mellora continua, actuando con rigor, responsabilidade e ética profesional.
- Demostrar unha actitude de respeito cara ás opinións, os valores, os comportamentos e as prácticas doutros