12.11.2025-12.12.2025 | 08.30h-09.30h
A Biblioteca de Psicoloxía e Ciencias da Educación sorteará unha cesta cun lote de libros entre os membros da comunidade universitaria que acudan a un dos seus puntos de servizo entre o 12 de novembro e o 12 de decembro e queiran participar.
Para participar no sorteo hai que acudir a calquera punto de servizo da Biblioteca de Psicoloxía e Ciencias da Educación (Campus Norte ou Campus Vida). O día 15 de decembro ás 12:00 h terá lugar o sorteo. Seleccionarase un número de xeito aleatorio.
A biblioteca de Psicoloxía e Ciencias da Educación poñerase en contacto coa persoa gañadora a través do correo electrónico institucional, quen contará cun prazo dun mes dende esta comunicación para recoller o lote de libros.