A USC ten establecidos convenios de intercambio bibliográfico con máis de 1300 institucións culturais e científicas.
Mantéñense actualmente relacións de intercambio científico con organismos de todo o mundo, dos que se reciben as súas publicacións periódicas e gran parte das súas novidades bibliográficas.
Os convenios de troco subscritos sobre a fórmula do razoable equilibrio e o mutuo beneficio son fundamentalmente de dous tipos:
- Intercambio regular: revista por revista ou subscrición por subscrición. Ademais das revistas que edita, distribúese por intercambio as revistas Gallaecia, Publicacións do Departamento de Xeometría e Topoloxía.
- Intercambio ocasional: solicitudes de obras sobre os respectivos catálogos. A maior parte dos libros recollidos no noso catálogo de publicacións, poden adquirirse en intercambio con outras publicacións de carácter similar.
Se a súa institución desexa participar nestes programas de intercambio bibliográfico coa Universidade de Santiago de Compostela, pregámoslle se dirixa a sepinter [at] usc.es (sepinter[at]usc[dot]es) ou á nosa dirección postal, achegando un exemplar da revista obxecto do troco ou o catálogo de publicacións da súa institución. Indique claramente a súa dirección para a correspondencia ou envíos.
Unidade de Intercambio Científico
- Casa Gradín
- Campus Vida, 15782Santiago de Compostela
- (+ 34) 881 812 393
- sepinter [at] usc.es