INFORMACIÓN DA REUNIÓN DO CONSELLO DE GOBERNO DO 28 DE MAIO DO 2025
Unha vez máis, atendendo ao noso compromiso de informar da actividade que desenvolvemos no Claustro e no Consello de Goberno, os representantes do persoal no Consello de Goberno agrupados en CUPAS, queremos trasladar a información máis salientable sobre os asuntos tratados na última xuntanza do mércores 28 de maio.
A orde do día desta xuntanza tiña un total de 28 puntos, a maioría deles relacionados con cuestións de profesorado e de organización académica ou titulacións. No referente ao persoal había principalmente dous asuntos que tiñan que ver directamente co PTXAS funcionario: o regulamento dos niveis mínimos e máximos e o baremo do concurso de traslados.
Non estaba na orde do día, pero na xuntanza rexistráronse tamén comentarios sobre a pretensión anunciada, esa mañá, pola universidade da Coruña de iniciar o proceso de solicitude e implantación da titulación de Medicina.
Entre os acordos desta reunión do Consello de Goberno figura tamén a modificación do calendario académico, fixándose como festivo universitario o 4 de setembro, día da inauguración do próximo curso.
Niveis PTXAS funcionario
O Consello de Goberno aprobou por asentimento, sen votos en contra nin abstencións, o Regulamento de niveis mínimos e máximos escalas e corpos de PTXAS funcionario. O intervalo de niveis para cada grupo ou subgrupo estaban bastante desfasados; sobre todo dende as melloras aplicadas en 2021 na RPT da USC, que entre outras cousas elevaron o mínimo do C2 ata o nivel 17.
En ausencia de normativa propia, á hora de aplicar a consolidación do grao persoal habería que empezar nun nivel bastante inferior ao do posto que realmente se ocupa, dado que a normativa supletoria de aplicación (Xunta e Estado) fixa uns niveis bastante inferiores aos da nosa RPT.
A nova táboa de niveis mínimos, a partir dos cales o persoal funcionario da USC comezará a consolidar o grao correspondente ao nivel básico do seu corpo ou escala, e que se aplicará ao persoal de novo ingreso con efectos retroactivos, é a seguinte:
Baremo concurso funcionarios
Tamén se aprobou nesta xuntanza a modificación do baremo de méritos do concurso de funcionarios, que viña informada favorablemente pola Xunta de PTXAS funcionario, como paso previo á convocatoria inminente do concurso ordinario e específico.
Os cambios consisten, unicamente, en adaptar o baremo vixente á nova Lei Orgánica do Sistema universitario (LOSU) e á sentenza xudicial recaída con ocasión do anterior concurso. Elimínase, polo tanto, a referencia do baremo anterior á minoración no 25% da valoración dos servizos prestados en calquera universidade pública.
Defensa de Medicina
Na reunión comentouse tamén a noticia, desa mesma maña, de que a universidade da Coruña viña de comunicar que iniciará o proceso de solicitude e implantación da titulación de Medicina. Con respecto a este tema, dende CUPAS queremos sumarnos á apelación feita polo Reitor ao respecto institucional e ao cumprimento dos acordos e pactos asinados polas institucións que compoñen o Sistema Universitario de Galicia.
Calendario académico
O Consello de Goberno tamén acordou a modificación do calendario académico para o próximo curso 2025-2026. Por unha parte, para regular as dúas datas opcionais acordadas en abril pasado para a revisión de cualificacións das materias e, por outra, para modificar a data prevista do acto oficial de inauguración do curso no SUG, que este ano se celebrará na USC, quedando establecida no xoves 4 de setembro que terá carácter de festivo para o persoal.
Outros asuntos
Nesta xuntanza abordáronse tamén outros asuntos, a maioría deles relacionados con cuestións de profesorado ou con normativas académicas e de titulacións.
Sobre calquera dos asuntos tratados na xuntanza do Consello de Goberno, ou doutros relacionados co persoal, podes facernos chegar as túas opinións, consultas ou suxestións. A representación de CUPAS no Claustro está formada actualmente polas seguintes persoas:
CAMPUS DE LUGO
| TACÓN FERNÁNDEZ, ENRIQUE |
| RODRÍGUEZ NUÑEZ, JAVIER |
| PIÑEIRO GÓMEZ, VERÓNICA |
CAMPUS DE SANTIAGO
| LAMAS ALVARIÑO, JESÚS JUAN | MARTÍNEZ MAQUIEIRA, ALEJANDRA |
| DÍAZ PÉREZ, JOSÉ | CABADO LOURÉS, ANXOS |
| GARCÍA ANGULO, MINIA | PAZOS GULDRÍS, M. JOSÉ |
| BALEA COTOS, MARTA | OREIRO FORMOSO, JUAN |
| CACHEIRO MARTÍNEZ, MARTIN | EIROA ROSADO, ELISA |
| VÁZQUEZ MARTÍNEZ, ELENA | FARIÑA FERNÁNDEZ ,JAIME |
| PÉREZ TRIGO, ELISEO | TABERNERO DUQUE, FERNANDO |
| ALONSO MOUGAN, ANA M. PILAR |
