RESUMEN DA REUNIÓN DO CONSELLO DE GOBERNO DO XOVES 28 DE ABRIL DE 2022
Onte constituíuse o novo Consello de Goberno, no que CUPAS conta coa representación de tres membros. Os acordos máis salientables desta reunión foron os seguintes:
Renovación da comisións delegadas do Consello de Goberno:
- CUPAS estará representada nas seguintes comisións: Organización Académica e Profesorado, Oferta Docente e Innovación Educativa, Investigación, Asuntos Económicos, Actividades Culturais e Deportivas, Calidade e Planificación, Administración e Servizos.
Creación do cargo de delegado do reitor:
- Aínda que na relación de cargos da USC xa existía un delegado do reitor para o ensino medio, proponse a creación destes cargos para casos específicos en materias transversais con dependencia do reitor, como poden ser políticas de igualdade, deportes, etc.
- CUPAS puxo sobre a mesa a consideración de que estes cargos non poden adoptar actos ou resolucións que correspondan aos órganos de goberno e administración da USC, así como a imposibilidade recoñecida tanto na LOU como nos Estatutos do desempeño de direccións e funcións técnico-administrativas.
Aprobación da solicitude de integración da USC na agrupación de interese económico SIGMA:
- Procederíase á substitución da aplicación Xescampus.
- Neste punto CUPAS abstívose na votación, pois botou en falta información polo miúdo das implicacións que tería, tanto para o persoal como para a propia viabilidade de Unixest, así como información sobre o custo desta aplicación.
- En explicacións do vicerreitor, o custo da aplicación non se pode determinar a priori, pois todo depende do volumen de módulos que se incorporen.
- Respecto ás preguntas sobre a formación, calendario de implementación e idioma da aplicación o vicerreitor respondeu que se ía ter en conta aos usuarios, non só na formación, senón na participación na implementación. E tendo en conta que é o máximo responsable en materia de normalización lingüística asegurou que o programa ía estar dispoñible en galego. Aínda así, é consciente que o traspaso ao novo sistema vai ser a medio prazo.
En varias ocasións ao longo da reunión fíxose evidente a necesidade de modificación dos Estatutos; o Reitor considerou que podería ser necesario modificar algúns aspectos dos mesmos, á espera das esixencias derivadas dunha posible modificación normativa en materia universitaria a nivel estatal.
A nova representación de CUPAS no Claustro está composta polas seguintes persoas, ás que te podes dirixir para facernos chegar as túas opinións consultas e suxestións:
CAMPUS DE LUGO
| TACÓN FERNÁNDEZ, ENRIQUE |
| RODRÍGUEZ NUÑEZ, JAVIER |
| PIÑEIRO GÓMEZ, VERÓNICA |
CAMPUS DE SANTIAGO
| LAMAS ALVARIÑO, JESÚS JUAN | ALONSO MOUGAN, ANA M. PILAR |
| DÍAZ PÉREZ, JOSÉ | MARTÍNEZ MAQUIEIRA, ALEJANDRA |
| GARCÍA ANGULO, MINIA | CABADO LOURÉS, ANXOS |
| REGUEIRA GAY, RUBÉN | PAZOS GULDRÍS, M. JOSÉ |
| BALEA COTOS, MARTA | OREIRO FORMOSO, JUAN |
| CACHEIRO MARTÍNEZ, MARTIN | VAZQUEZ MARTÍNEZ, ELENA MARTA |
