RESUMEN DA REUNIÓN DO CONSELLO DE GOBERNO DO MARTES 29 DE NOVEMBRO DE 2022
CUPAS RECLAMA TAMÉN NO CONSELLO DE GOBERNO A POSTA EN MARCHA DA CARREIRA PROFESIONAL PARA O PAS E O CUMPRIMENTO EFECTIVO DOS COMPROMISOS ORZAMENTARIOS CO PERSOAL
A representación de CUPAS no Consello de Goberno da USC aproveitou este martes o punto da rolda aberta de intervencións para reclamar a posta en marcha da carreira profesional para o PAS e o cumprimento efectivo dos acordos e compromisos co persoal en materia orzamentaria.
Na nosa intervención, puxemos de manifesto que cada vez son máis administracións do noso entorno nas que se está desenvolvendo a carreira profesional horizontal. Recordamos que xa no orzamento de 2021 había un compromiso da USC de negociar a implantación para o PAS nese ano. Tamén demos conta que a propia Xunta de Galicia iniciou a implantación en 2018, para o seu persoal, co acceso extraordinario ao grado I, e a semana pasada asinouse un novo acordo para o acceso extraordinario ao grado II da carreira horizontal na administración autonómica.
Tamén recordamos que o orzamento de 2021 da USC recoñeceu expresamente ese retraso e, no de 2022, acordouse que se negociaría o acceso extraordinario ao grado I para facerse efectivo en xaneiro de 2023. A día de hoxe, nin se nos presentou proposta nin se iniciou a negociación.
Nesta mesma intervención, tamén sinalamos que a execución a execución da partida orzamentaria prevista para o PAS foi bastante escasa e apenas acadou o 60% este ano, e das promocións de PAS acordadas na OPE de 2020 so se fixo efectiva unha ínfima parte e a día de hoxe nada de nada das acordadas en 2021 e 2022.
Finalizamos a nosa intervención na rolda aberta indicando que era imprescindible máis diálogo, máis consulta e máis participación cos representantes do persoal; e sobre todo un cumprimento efectivo dos acordos e compromisos e acabar cos retrasos na súa execución.
O xerente na súa resposta recoñeceu os retrasos na execución das partidas orzamentarias destinadas ao PAS, alegando a complexidade da posta en marcha da estabilización e da promoción no ámbito de PAS e afirmou que a carreira profesional se faría efectiva dende xaneiro de 2023, para o que nunha semana presentarían a proposta inicial de negociación.
Polo demais a orde do día, que incluía un total de 16 puntos, estivo dominada por temas de profesorado (puntos 2 a 7) e un par de asuntos de organización académica e titulacións. Tamén se aprobaron as memorias dos institutos de investigación.
A representación de CUPAS no Claustro está formada actualmente polas seguintes persoas, ás que te podes dirixir para facernos chegar as túas opinións, consultas ou suxestións:
CAMPUS DE LUGO
| TACÓN FERNÁNDEZ, ENRIQUE |
| RODRÍGUEZ NUÑEZ, JAVIER |
| PIÑEIRO GÓMEZ, VERÓNICA |
CAMPUS DE SANTIAGO
| LAMAS ALVARIÑO, JESÚS JUAN | ALONSO MOUGAN, ANA M. PILAR |
| DÍAZ PÉREZ, JOSÉ | MARTÍNEZ MAQUIEIRA, ALEJANDRA |
| GARCÍA ANGULO, MINIA | CABADO LOURÉS, ANXOS |
| BALEA COTOS, MARTA | PAZOS GULDRÍS, M. JOSÉ |
| CACHEIRO MARTÍNEZ, MARTIN | OREIRO FORMOSO, JUAN |
| VÁZQUEZ MARTÍNEZ, ELENA | EIROA ROSADO, ELISA |
| PÉREZ TRIGO, ELISEO |
