O Servizo de Deportes organiza unhas xornadas gratuítas de xogos tradicionais galegos para a comunidade universitaria

Os xogos tradicionais galegos serán o tema central dunhas xornadas coas que o Servizo de Deportes pretende animar á súa práctica e promover, ao mesmo tempo, a mellora da condición física. Dirixidas a toda a comunidade universitaria, nas xornadas explicaranse o regulamento e os fundamentos da billarda, os bolos celtas e a chave. Trátase dunha actividade gratuíta. As distintas sesións programadas concentraranse os días 29 de abril e 6 e 13 de maio, en horario de 16.00 a 18.00 horas no campo de hóckey de Campus Vida.