María do Carmen Saavedra Vázquez, profesora do Departamento de Historia e membro do Grupo de Investigación “Historia Moderna” (GI-1921), participará no seminario “Conceptos con Historia: exército e militarismo”, coordinado por María López Díaz, profesora do departamento de Historia, Arte e Xeografía, e organizado por membros da área de Historia Moderna (UVigo). O encontro, no que tamén participa o contemporaneísta Julio Prada (UVigo), celebrarase o 26 de marzo de 2020, de 16:00 a 20:00 horas, no Salón Multiusos Emilia Pardo Bazán, Facultade de Historia (Campus de Ourense), Universidade de Vigo.