Ir ao contido principal

Rodríguez Holguín, Socorro

Profesora titular de universidade

rodriguez.holguin@usc.es

Posto actual

Profesora Titular de Universidade no Departamento de Psicoloxía Clínica e Psicobioloxía da Universidade de Santigo de Compostela (USC). Desde 2025, coordinadora do grupo NECEA

Intereses científicos

A miña principal área de interese é o estudo dos marcardores neurocognitivos de risco para condicións psicopatolóxicas, mediante o rexistro da actividade eléctrica cerebral (EEG/potenciais evocados) durante a excución de tarefas de atención, de memoria e executivas, e en relación con outras medidas, como as de rendemento neuropsicolóxico e de neuroimaxe. Nas últimas décadas estiven centrada nas consecuencias neurocognitivas do consumo intensivo de alcohol en estudantes universitarios, como vía de risco cara ao alcoholismo. Desde 2025, estamos a iniciar unha nova liña enfocada ao risco á depresión e á ansiedade neste sector da poboación.

Nota curricular

Licenciada (1990) e doutora (1996) en Psicoloxía pola Universidade de Santiago de Compostela. A miña carreira académica desenvolveuse nesta universidade, con breves estadías noutras institucións (Laboratorio de Neurodinámica, Centro de Ciencias da Saúde de Brooklyn, Universidade do Estado de New York  -SUNY HSCB- en 1997; Departamento de Psicoloxía Biolóxica e da Saúde da Universidade Autónoma de Madrid -UAM- en 1998). A miña actividade investigadora estivo sempre centrada no estudo da actividade cerebral asociada con procesos cognitivos. Inicialmente estiven interesada no estudo de nenos e adolescentes con risco familiar ao alcoholismo (1992-2000); logo derivei cara ao estudo dos procesos atencionais en poboación xeral xove (2001-2006) e posteriormente retornei ao interese polas poboacións especiais, agora centrada en mozos e mozas con consumo intensivo de alcohol. Esta actividade investigadora vense realizando sempre no marco de proxectos de investigación financiados por axudas públicas competitivas. En relación coa actividade docente, desde 1994 veño impartindo clases (Psicofisioloxía, Neurociencia Cognitiva) na titulación de Psicoloxía (licenciatura e grao) e tamén en másteres (Psicoloxía Clínica e Psicobioloxía, Neurociencia) e programas de doutoramento. Tamén desempeñei responsabilidades de xestión académica no Departamento de Psicoloxía Clínica e Psicobioloxía, na Facultade de Psicoloxía e, máis recentemente, no Instituto de Psicoloxía da USC  (IPsiUS).

Publicacións