Effects of a persistent binge drinking pattern of alcohol consumption in young people: A follow-up study using event-related potential.

Obxectivos: O obxectivo deste estudo foi examinar a actividade cerebral relacionada cos procesos de atención visual en mozos e mozas que veñen mantendo un padrón de consumo intensivo de alcohol (CIA) durante máis de dous anos. Método: Participaron 57 estudantes universitarios (26 con CIA) sen historia persoal ou familiar en primeiro grao de alcoholismo nin trastornos psicopatolóxicos. Rexistráronse os potenciais evocados (PEs) mentres os participantes executaban unha tarefa visual ‘oddball’ (en dúas ocasións cun intervalo de dous anos). Analizáronse a latencia e a amplitude do compoñente P3b. Resultados: A amplitude de P3b foi maior nos mozos CIA que nos seus controis da mesma idade nos dous momentos de avaliación, e a diferenza foi máis pronunciada despois de manter dous anos o padrón CIA de consumo. Esta maior amplitude de P3b asociouse co comezo máis temperá no consumo regular de alcohol e coa maior cantidade e intensidade do consumo. Conclusións: Estes achádegos suxiren que os mozos/as CIA amosan anomalías na actividade neural implicada en procesos de atención/memoria de traballo, que se incrementan tras dous anos de mantemento do padrón de consumo. Esta actividade neural anómala pode reflectir disfuncións subxacentes nos mecanismos neurofisiolóxicos ou ben o recrutamento de recursos de atención/memoria de traballo adicionais para permitir aos mozos CIA executar a tarefa adecuadamente.