Risky alcohol use and heavy episodic drinking among Spanish university students: A two-year follow-up

Obxectivo: Avaliar a incidencia do consumo de risco (CR) e consumo intensivo episódico (CIE) de alcohol nunha cohorte de estudantes universitarios españois nun seguimento a dous anos e identificar preditores deses padróns de consumo de alcohol e a súa asociación co rendemento académico. Método: Fíxose un seguimento da cohorte de estudo. O consumo de alcohol medíuse mediante o AUDIT. Recolléronse as seguintes variables mediante un cuestionario: lugar de residencia, nivel educativo dos pais, consumo de alcohol na familia, idade de inicio no consumo de alcohol, expectativas relativas ao alcohol e rendemento académico. Construímos un modelo de regresión loxística usando tres variables dependentes: CR, CIE e rendemento académico. Resultados: a taxa de resposta no seguimento a dous anos foi do 64,1%. A incidencia do CR eo CIE aos dous anos de seguimento foron do 24,92% e 4,01%, respectivamente. A prevalencia do CR subíu do 37,1% ao 54,6%. Pola contra, o CIE caeu do 12,2% ao 8,7%. En relación á incidencia do CR, ser home (OR=2.77), ter expectativas medias (OR=1.59) ou elevadas (OR=2.24), e unha idade temperá de inicio do consumo (OR=2.26) constituíron factores de risco. Pola contra, vivir cos pais constituíu un factor protector (OR=0.48). Para o CIE, ser home (OR=1.92) e ter altas expectativas (OR=2.96) foron factores de risco. O CR e o CIE foron factores de risco para o baixo rendemento académico. Conclusións: o CIE é un padrón de consumo de alcohol asociado principalmente coa adolescencia, mentres que o CR asóciase coa mocidade. Ambos os dous padróns son preditores do rendemento académico. As estratexias de Saúde Pública deben dirixirse á modificación das expectativas e a limitar o acceso ao alcohol a idades temperás.