Departamento de Economía AplicadaEscola Politécnica Superior
Rua Benigno Ledo, Campus universitario s/n, 27002, Lugo
Teléfono: +34 982 823 314
e-mail: mariadomar.perez@usc.es Profesora Contratada Doutora do Departamento de Economía Aplicada da Universidade de Santiago de Compostela, Área de Economía, Socioloxía e Política Agraria. A súas liñas de investigación están relacionadas cos procesos de cambio agrario e coa avaliación e deseño de políticas de desenvolvemento rural.
CV abreviado (galego, castelán)
Ficha no Portal da Investigación da USC
Formación
Máster en Xestión do Desenvolvemento Local pola Universidade de Santiago de Compostela (1994).
Doutora en Ciencias Económicas pola Universidade de Santiago de Compostela (2003).
Experiencia profesional
É Profesora Contratada Doutora no Departamento de Economía Aplicada da Universidade de Santiago de Compostela (USC). Ten unha ampla traxectoria no deseño, desenvolvemento e avaliación de políticas de desenvolvemento rural. Neste ámbito, cumpre destacar a coordinación en Galicia do Programa de Desenvolvemento Rural 2007-2013 e a elaboración dunha tese doutoral ligada á análise e avaliación da Iniciativa LEADER I en Galicia e Norte de Portugal. Aliás, foi a responsábel do Departamento de Coordinación e Planificación de Desenvolvemento Rural da Axencia Galega de Desenvolvemento Rural (AGADER) durante o período 2005-2007.
Por outra parte, estivo involucrada en numerosos proxectos de investigación nacionais e internacionais, e ten realizado estadías de investigación e/ou docencia nas Universidades de Trás-os-Montes e Alto Douro (Portugal), na Universidade Técnica de Lisboa (Portugal), no Rural Economy Research Centre-TEAGASC (Irlanda) e na Universidade Federal de Viçosa.
É membro do grupo de investigación Economía Agroalimentaria e Medioambiental, Desenvolvemento Rural e Economía Social (ECOAGRASOC) desde a súa constitución en 2004.