EPS de Enxeñaría – Ecoagrasoc

Mesa redonda: Como afrontar nas granxas de leite a alza dos prezos dos insumos? Consecuencias da guerra en Ucraína

Ecoagrasoc Ecoagrasoc 22/03/202222/03/2022EPS de Enxeñaría, Grupo de innovación docente Ruralia, insumos, leite, soberanía alimentar

A guerra na Ucraína provocou unha importante suba de prezos nos insumos das explotacións gandeiras, nomeadamente naquelas con sistemas produtivos máis intensivos.

Para abordar esta problemática, o venres 25 de marzo terá lugar a mesa redonda ‘Como afrontar nas granxas de leite a alza dos prezos dos insumos? Consecuencias da guerra en Ucraína’. Na mesma participarán Gonzalo Flores, xefe do departamento de pastos e cultivos do CIAM; Rubén García, responsábel de xestión técnico-económica de Os Irmandiños SCG; Iann Pouliquen, xerente de Xestión Agrogandeira e Natureza SL; e a equipa técnica da Cooperativa Agraria Provincial da Coruña.

Encontros de Lúa Chea: como o uso do galego pode axudar a consolidar a imaxe de marca

Ecoagrasoc Ecoagrasoc 21/03/202221/03/2022Encontros de Lúa Chea, EPS de Enxeñaría, Innovación, Lingua, Ruralia

Volven os Encontros de Lúa Chea á Escola Politécnica Superior de Enxeñaría de Lugo, comezando este 2022 con dous debates que terán como eixo central o uso da lingua galega por parte de proxectos empresariais innovadores. Nos encontros participarán os responsables de 6 iniciativas asentadas no rural galego que consideran o galego un elemento central na construción da súa imaxe de marca, que compartirán as experiencias das súas propias empresas. Trátase ademais de iniciativas marcadas polo seu carácter innovador e por dinamizar economicamente a súa contorna.