By clicking on the Teaching Training and Innovation Programme Statistics link in the Teaching and Research Staff Virtual Secretary’s Office you can see a summary of your situation and a table with all the courses (Code and name) in which you were enrolled with the indication of whether you were enrolled (Selected), if you attended (Diploma attendance) and the number of hours (No. of Hours) of each course.
- Pode consultar, a través da Secretaría Virtual do Persoal Docente e Investigador, as actividades do Plan de Formación en que se matriculou.
- Premendo no enlace Estatística de PFID da Secretaría Virtual do PDI pode ver un resumo da súa situación e unha táboa con todos os cursos (Código e nome) nos que se inscribiu coa indicación de se estivo matriculado/a (Seleccionada/o), se asistiu (Diploma asistencia) e o número de horas (N.º Horas) de cada curso.
Ademais dos diplomas de cada curso, a USC expide o Diploma de Docencia Universitaria (DDU) como recoñecemento da formación realizada no marco do Plan de Formación para PDI-PI.
Requisitos
O Diploma de Docencia Universitaria require ter completadas 100 horas de actividades formativas do Plan de Formación para PDI-PI e/ou do anterior PFID.
Para este cómputo cómpre ter en conta:
• Algunhas actividades formativas do Plan de Formación para PDI-PI non computan para este diploma, o que se indica expresamente na convocatoria.
• Poderanse computar actividades recoñecidas polo Centro de Formación organizadas por centros docentes e de investigación, departamentos e grupos de investigación e innovación, ata un máximo de 20 horas.
• Non se computarán dúas veces as mesmas actividades formativas.
• O máximo de horas computables no ámbito da prevención de riscos laborais será de 15 horas.
Como solicitar o Diploma de Docencia Universitaria:
A solicitude debe enviarse ao correo electrónico formaci%C3%B3n.pdi [at] usc.gal (formación[dot]pdi[at]usc[dot]gal), co asunto “Solicitude de DDU”, indicando nome completo e DNI.