A Real Sociedade Matemática Española presenta o seu congreso bienal de Santiago, que marcará as pautas científicas para unha nova etapa

A Real Sociedade Matemática Española (RSME) desenvolve a vindeira semana en Santiago o seu Congreso Bienal, o acontecemento matemático máis relevante que se organiza en España e que supón o recoñecemento da comunidade matemática española ao excelente nivel desta ciencia en Galicia e en concreto na Facultade da USC, que leva ocupando o primeiro lugar dos ránkings académicos nos últimos anos. O encontro presentarase este luns 21 ás 12.00 horas na Sala de Prensa do Colexio de Fonseca nunha rolda de prensa na que participarán o presidente da RSME, Antonio Campillo; o presidente do comité organizador e ex vicepresidente da RSME, o profesor da USC Enrique Macías; e a decana da Facultade de Matemáticas, Victoria Otero. O congreso inaugúrase este luns 21 ás 19.00 horas no Salón Nobre do Colexio de Fonseca nun acto presidido polo reitor Juan Casares.