Matemáticas presenta o fondo bibliográfico do profesor Enrique Vidal Abascal

A familia do que foi docente, impulsor e primeiro decano da Facultade de Matemáticas, Enrique Vidal Abascal, doou ao centro a súa biblioteca matemática particular, que se presenta este mércores 6 ás 13.00 horas. O fondo bibliográfico matemático de Enrique Vidal Abascal que permanecerá na biblioteca da facultade consta de 231 volumes, principalmente da área de xeometría e topoloxía. De entre todos eles destacan algunhas obras clásicas de matemáticos como Bianchi, Bieberbach, Blaschke, E. Borel ou E. Cartan dos anos 20 e 30 do pasado século. Á súa particular valía engádeselle o feito de que moitos volumes contan con anotacións caligráficas do propio profesor Vidal Abascal.