Entrega de premios do XIII Concurso de Proxectos Empresariais Innovadores da USC

O XIII Concurso de Proxectos Empresariais Innovadores da USC pechará este venres 21 a súa vixencia coa entrega dos premios aos tres proxectos gañadores nun acto que comezará ás 12.00 horas no Salón Reitoral do Colexio de San Xerome presidido polo vicerreitor adxunto de Investigación e Innovación, Pablo Ramil. Tamén está prevista a asistencia dos vicerreitores de Estudantes e de Responsabilidade Social, Francisco Durán e Benita Silva, respectivamente; a secretaria xeral de Igualdade, Susana López; o secretario xeral de Universidades, José Alberto Díaz de Castro; o director xeral de Traballo e Economía Social, Odilo Martiñá; e o director do programa Uniemprende, Carlos Hernández Sande. O obxecto deste concurso é impulsar a creación de empresas innovadoras promovidas por estudantes, licenciados/as e investigadores/as, así como a innovación empresarial e a xeración de emprego. Entregaranse tres premios, á mellor empresa de base tecnolóxica, dotado con 2.000 euros e ata 24.000 euros de financiamento mediante préstamo participativo ofrecido por Unirisco; á mellor empresa xove (2.000 euros) e á mellor muller emprendedora (2.000 euros). Na presente edición concursaron un total de 46 proxectos correspondentes a 114 promotores/as de toda Galicia así como doutas universidades españolas.