Nova cita coa solidariedade na USC

A campaña de doazón de sangue que se está a desenvolver no presente curso académico da USC continúa a vindeira semana nos campus de Santiago e Lugo.
En Santiago, a unidade de doazón do Centro de Transfusión de Galicia estará o martes 4 de maio e mércores 5 no aparcamento da Facultade de Filoloxía, de 9:30 a 14:30 horas e de 15:30 a 21:00 horas.
Ese mesmo horario terá a unidade móbil que se situará o mércores 5 e o xoves 6 na entrada principal da Facultade de Ciencias Económicas e Empresariais.
Campus de LugoEn Lugo, a unidade de doazón estará o mércores 5 no aparcamento da Biblioteca Intercentros, en horario de 9:30 a 14:30 horas e de 15:30 a 21:00 horas. Con esta xornada péchase a campaña de doazón que este ano académico se desenvolveu no campus lugués.