170 alumnos de secundaria da Coruña e Pontevedra asisten na USC a 'Matemagos'

Maxia e matemáticas foron compañeiros de viaxe durante moito tempo, “tanto os magos como os matemáticos está motivados polo sentido de sorpresa que representa o misterio esencial do mundo”. Deste xeito xustifican o profesor do Departamento de Matemáticas do País Vasco Pedro Alegría e Juan Carlos Ruiz de Arcaute, da Asociación de Magos de Álava, o contido de ‘Matemagos’, un “espectáculo de maxia e/ou matemáticas” que este venres 26 se celebra na USC.
Na Aula Magna da Facultade de Matemáticas da USC a partir das 17:00 horas, nesta sesión van participar 170 alumnos dun total de sete institutos de Educación Secundaria das provincias da Coruña e Pontevedra. Ante eles, ‘Matemagos’ presentará de forma amena diversos xogos de maxia, descubríndolle a base matemática que descansa en moitos deles e aprendéndolle os trucos que permitan sorprender a todo tipo de espectadores.
‘Matemagos’ permitirá aos asistentes realizar un percorrido interactivo polo principio de paridade numérica, polas propiedades das mesturas de cartas, polos paradoxos xeométricos que se orixinan recortando papel ou polo problemas clásicos do enxeño.