Cancélanse as actividades do proxecto ESTALMAT previstas para esta fin de semana en Santiago e Lugo

Ante a alarma meteorolóxica prevista para esta fin de semana, o comité organizador de ESTALMAT-GALICIA vén de tomar a decisión de cancelar todas as actividades previstas para este sábado 27, tanto a segunda sesión de ESTALMAT PI que se ía celebrar na Escola Universitaria de Profesorado de Lugo como as xornadas habituais do primeiro e segundo curso de ESTALMAT na Facultade de Matemáticas de Santiago. A presentación de ESTALMAT PI en Lugo aprázase ata unha vindeira data aínda sen determinar.
O proxecto ESTALMAT-GALICIA, que pilota a USC, ten como obxecto detectar e estimular o talento matemático en estudantes galegos de entre 12 e 14 anos.