Ordenadores a prezos exclusivos para a comunidade universitaria

Tras a experiencia en anteriores edicións, a sétima convocatoria do Programa Athenea continúa apostando polo desenvolvemento da Sociedade do Coñecemento na comunidade universitaria, facilitando a estudantes universitarios, docentes e investigadores e persoal de administración e servizos a compra de computadores portátiles a prezos moi competitivos. Esta iniciativa permite achegar a todo o colectivo universitario a tecnoloxía máis avanzada e máis económica de todo o mercado. Este ano cóntase cunha ampla oferta de computadores portátiles da marca Toshiba ademais de continuar ofrecendo a tecnoloxía que Apple pon á disposición da comunidade universitaria. Está previsto que a campaña abarque todo o curso universitario, desde principios do mes de outubro de 2010 ata xullo de 2011, co fin de posibilitar aos distintos colectivos universitarios o acceso ás ofertas en todo momento.

Para realizar un pedido, as persoas interesadas deben dirixirse a http://www.athenea.universia.es ou no teléfono 902 760 051.