O programa da XI Mostra de Teatro Universitario de Galicia preséntase este mércores

A USC converterase do 18 de maio ao 6 de xuño na capital do teatro universitario galego. Neste período celebrarase en Compostela a XI Mostra de Teatro Universitario de Galicia, cuxo programa presentarán este mércores 12 en rolda de prensa a vicerreitora de Cultura, Elvira Fidalgo; o responsables da Área de Cultura, Pablo Sampedro; e o director da Aula de Teatro da USC, Roberto Salgueiro. A presentación celebrarase a partir das 11:00 horas na Sala de Prensa do Colexio de Fonseca.
Nesta mostra, un dos máis destacados altofalantes do teatro universitario en Galicia, danse cita trece compañías representando á totalidade Campus galegos e con especial presenza dos grupos xurdidos no seo da USC. Tomando o relevo da iniciativa inaugurada o pasado ano, a Mostra volverá entregar os seus premios ás mellores montaxes, direccións de escena, interpretacións masculinas e femininas, espezo escénico e vestiario.