O desenvolvemento do centro e sur da provincia de Lugo, a análise en Sarria

O papel dos sectores forestal, agropecuario e de servizos no desenvolvemento económico das zonas centro e sur da provincia de Lugo será o eixo do curso que se impartirá dende o 19 ao 22 de xullo nas dependencias do Concello de Sarria. Dirixido por José Federico García Fernández e Manuel Gómez Díaz, este seminario incorpora nove relatorios e visitas a unha empresa do sector forestal e ás instalacións do Centro Tecnolóxico Agroalimentario de Lugo (Cetal) co fin de poder realizar estudos de campo sobre algúns dos sectores produtivos da zona achegándose ao seu sistema de traballo.

Toda a información sobre o curso de verán ‘O desenvolvemento económico da zona centro-sur da provincia de Lugo’, que ten un carga lectiva de trinta horas e está cofinanciado polo Concello de Sarria, pódese consultar na web www.usc.es/cultura/uveran22_10.htm.