Empresas familiares galegas falan de emprendemento na USC
Responsables de Caeiro, Monbus e o Hotel Costa vella participan este xoves nunha mesa redonda
A Aula de Práctica Empresarial da Cátedra Bancaja de Mocidade Emprendedora está a traer estes días á USC a responsables de empresas consolidadas e de éxito nun ciclo no que analizan o emprendemento en tempos de crise.
O encontro chega ao seu fin este xoves 30 coa celebración, ás 12:00 no salón de graos da Facultade de Ciencias Económicas, dunha mesa redonda sobre emprendemento familiar na que participan a conselleira delegada do grupo Caeiro, María Caeiro; o xerente do Grupo Monbus, Raúl López; e o responsable manager do Hotel Costa Vella de Santiago, José Antonio Liñares. Modera o debate o director da Cátedra de Empresa Familiar da USC, José Díez de Castro.