Ábrese a matrícula da Escola de Natación da USC para este curso

A matrícula da Escola de Natación da USC para o presente curso abrirase este xoves 24 para estudantes, bolseiros, PAS, PDI e familiares do persoal da USC. Os restantes colectivos, tanto se posúen vinculación ou non coa USC, poderán formalizar a matrícula a partir do 30 de setembro. Este procedemento require estar en posesión do cartón deportivo, que ten unha vixencia dun curso académico.
O período de vixencia desta escola estenderase durante o primeiro cuadrimestre dende o 5 de outubro ata o 31 de xaneiro, mentres que no segundo prolongarase do 1 de febreiro ao 31 de maio. Para acadar máis información, as persoas interesadas poden dirixirse á Oficina da Área de Deportes da USC (Piscina Universitaria – 1º Andar), ou a tráves da páxina web http://www.usc.es/deportes.