O director xeral de I+D da Comisión Europea intervén este venres en Económicas

O director xeral de I+D da Comisión Europea, José Rodríguez Silva, falará este venres 30 das políticas e programas de innovación da UE nunha conferencia a desenvolver ás 16:30 horas no Salón de Graos da Facultade de Ciencias Económicas e Empresariais de Santiago.
De entrada libre, o relatorio está organizado polo Grupo ICEDE da USC e forma parte da novena edición do Curso de Posgrao Economía e Xestión da Innovación.