A USC acolle este mércores o Campionato de Galicia Universitario de Natación

Setenta deportistas daranse cita este mércores 25 en Santiago no Campionato de Galicia Universitario de Natación que organiza a USC. Esta cita deportiva súmase a outras máis, algunhas de exhibición, que completan os Campionatos de Galicia Universitarios 2009 que celebran as Universidades galegas e a Dirección Xeral para o Deporte.
O Galego de Natación desenvolverase das 10:00 ás 14:00 horas na Piscina Universitaria de Santiago. Compiten 26 deportistas da Universidade de Santiago, 29 da Coruña e 15 de Vigo.
Outros campionatosA USC organiza ademais outros dous campionatos galegos, esta vez de exhibición, como son os de Piragüismo na modalidade de Canoa-Dragón, na mañá do 3 de abril nas instalacións Naúticas da Ínsua en Brión e na que participaran tres embarcacións de dez tripulantes cada unha, e o de Tiro con Arco o 30 de maio en Santiago. A estes súmanse o xa celebrado no mes de febreiro en Lugo de Circuíto Galego en Ruta e o de exhibición de Badminton hai uns días en Santiago.
Pola súa banda, a Universidade de Vigo organiza esta semana o campionato de Xadrez e, xa en maio, o de PDI-PAS en Ourense. Á da Coruña correspóndelle a organización das competicións galegas de volei praia (16 de abril en A Coruña), de Circuíto Ruta 10 Km.(26 de abril en Ferrol) e a de exhibición de vela (23 de maio en A Coruña).
Campionatos da USCXa fóra destas competicións galegas, a USC organiza os seus propios campionatos dirixidos á súa comunidade universitaria. Estes son o de pesca submarina (3 de abril), esgrima (18 de abril), judo (25 de abril), vela (23 de maio) e remo (data por determinar), que se suman aos xa disputados de taekwondo, tenis, tenis de mesa, karate e promoción.