Comeza a traballar a Compañía de Danza do Campus de Lugo

A Compañía de Danza do Campus de Lugo comeza a traballar este martes 17 de novembro, baixo a dirección do bailarín e coreógrafo Juan Carlos Zahera, co obxectivo de seguir a difundir a cultura da danza entre a comunidade universitaria.
Os obradoiros desenvolveranse na Aula de Danza e Teatro do campus todos os martes e xoves dende novembro ata marzo, en horario de 22:00 a 23:00 horas.
Nestas sesións, os integrantes da Compañía de Danza, que deben estar matriculados no curso de danza contemporánea que se está a impartir xa dende comezos deste mes no campus lucense, poderán completar os coñecementos e técnicas adquiridas nese curso e traballarán na creación dunha coreografía.