Continúa a campaña de doazón de sangue na USC

A nova fase da campaña de doazón de sangue que se está a desenvolver no presente curso académico da USC continúa ata o xoves 26 nos campus de Lugo e Santiago.
No campus compostelán, a unidade de doazón do Centro de Transfusión de Galicia estará este martes 24 diante das Facultades de Bioloxía e Matemáticas, dende as 15:30 ata as 21:00 horas. O mércores 25 e o xoves 26, a unidade móbil situarase diante da Facultade de Ciencias Económicas e Empresariais en horario de 9:30 a 14:30 horas e de 15:30 a 21:00 horas.
Campus de LugoEn Lugo, a unidade de doazón situarase o mércores 25 no aparcamento da Facultade de Humanidades e as Escolas Universitarias de Enfermaría e Relacións Laborais, en horario de 9:30 a 14:30 horas, e de 15:30 a 21:00 horas.