Nova sesión do ciclo de conferencias do Instituto de Investigación Sanitaria de Santiago

O Instituto de Investigación Sanitaria de Santiago organiza este xoves 16 unha sesión clínico-patolóxica titulada ‘Muller de 33 anos con shock distributivo e hepatoesplenomegalia’.
Na sesión, que se desenvolverá ás 13:30 horas na Aula 1 do CHUS, participan o xefe do Departamento de Medicina Interna do CHU da Coruña, Fernando Diz-Lois, e o xefe do Servizo de Anatomía Patolóxica do CHUS, Jerónimo Forteza Vila, moderados por Arturo González Quintela, do Servizo de Medicina Interna do CHUS.