Estudantes de ensino medio experimentaron na Universidade coas partículas elementais

Cincuenta estudantes de vinte centros de ensino medio de toda Galicia participan este venres na Facultade de Física na Master Class 2008 sobre Partículas Elementais. A xornada desenvólvese simultaneamente en varias Universidades europeas coordinadas polo CERN, o Centro europeo de Fisica de Particulas Elementais.
A clase maxistral, na que colabora a Consellaría de Educación, inaugurouna o catedrático Carlos Pajares cunha conferencia sobre os constituíntes máis pequenos da materia, para continuar con outra intervención sobre aceleradores, detectores e aplicacións. A continuacion, Juan José Saborido introduciu aos alumnos nunha practica de deteccion de particulas que fan pola tarde.
A clase práctica, na que os estudantes deben identificar as partículas que aparecen en rexistros realizados en detectores, lévase a cabo simultaneamente en varios centros de Europa e os resultados obtidos vanse comunicando e intercambiando por videoconferencia.