Entrega de premios aos gañadores da oitava edición do Concurso de Ideas Empresariais Innovadoras da USC

A vicerreitora de Investigación e Innovación, Mª José Alonso, presidirá este mércores 20 o acto de entrega de premios aos gañadores da oitava edición do Concurso de Ideas Empresariais da USC, nunha sesión que se vai celebrarar a partir das 12:00 horas no Salón Reitoral do Colexio de San Xerome.
No acto de entrega participarán, ademais da vicerreitora, o director xeral de Investigación, Desenvolvemento e Innovación, Salustiano Mato; o vicerreitor de Comunidade Universitaria e Compromiso Social, José M. Mayán; o director do programa Uniemprende da USC, Carlos Hernández Sande; o subdirector xeral de Apoio e Contratación e Emprendedores, Jorge Barros de la Peña; e o xerente de Unixest, Gustavo Marcos.
A convocatoria estaba aberta a emprendedores universitarios de toda Galicia cunha idea innovadora susceptible de converterse nun proxecto empresarial a curto e medio prazo, valorándose a viabilidade e ao carácter innovador da idea, o seu grao de madurez e que teña en conta as políticas de igualdade.