Belesar e a Costa Ártabra, novos destinos das rutas de sendeirismo da USC

Os amantes do sendeirismo disporán de novas oportunidades para camiñar en contacto directo coa natureza coas dúas rutas que a Área de Deportes da Vicerreitoría de Cultura da USC ten previsto realizar neste mes de febreiro.
A primeira delas terá lugar o sábado, 9 de febreiro, e discorrerá pola Costa Ártabra, de Covas a Valdoviño, cunha distancia aproximada de 20 quilómetros e unha dificultade media. Os interesados poderán inscribirse ata o mércores, día 6.
Belesar, no concello lugués de Chantada, será a zona a explorar o sábado, 23 de febreiro, nunha ruta de 18 quilómetros e un nivel medio de dificultade. Para inscribirse neste percorrido disponse ata o 20 de febreiro.