Entregados dous portátiles aos gañadores do sorteo realizado entre os universitarios que subscribiron o seguro de accidentes 'Cum Laude'

As estudantes Lorena Rego Romero e Mirian Ares Fernández recibiron este martes 3 de mans do vicerreitor de Comunidade Universitaria e Compromiso Social, José M. Mayán Santos, cadanseu ordenador portátil cos que resultaron agraciadas no sorteo anual celebrado ante notario entre os estudantes que subscribiron o seguro de accidentes ‘Cum Laude’.
O acto de entrega, no que tamén participaron Jesús Silva Villar, en representación da correduría de seguros AON Gil y Carvajal, e Maite Gómez, representando á compañía Ace Europe, desenvolveuse na Casa Jimena y Elisa Fernández de la Vega.
Neste sorteo, realizado o pasado día 29 de maio, participaron todos os alumnos matriculados na USC no curso académico 2007/2008 que subscribiron o seguro de accidentes ‘Cum Laude’ que a Universidade presentou como unha opción voluntaria dentro do sobre de matrícula.