Presentación dos tres cursos de verán da USC que se desenvolverán en Sarria

A Universidade de Santiago de Compostela desenvolverá este ano tres cursos de verán en Sarria, que se celebrarán no mes de xullo. O desenvolvemento económico na zona centro sur da provincia de Lugo, a educación emocional e o Camiño de Santiago son as tres temáticas que se tratarán.
Estes tres cursos presentaranse este luns 9 na Casa do Concello de Sarria, ás 17:00 horas. Estarán presentes neste acto o vicerreitor de Cultura, Elías Torres; o alcalde da vila, Claudio Garrido, e os concelleiros de Cultura e de Educación, Xermán Arias e María del Carmen García. Asistirán tamén os directores dos cursos.