Balance do I Foro de Emprego da USC

A USC desenvolve desde este mércores e ata o xoves 15 na Facultade de Ciencias Económicas de Santiago o I Foro de Emprego no que empresas e institucións se achegarán a coñecer aos universitarios de maneira directa, contando cun espazo dende o que recoller currículos e presentar aos visitantes as súas ofertas de emprego, programas de prácticas e sistemas de acceso ás súas empresas.
O vicerreitor de Comunidade Universitaria e Compromiso Social, José Manuel Mayán, xunto coa decana da Facultade de Económicas, Maite Cancelo, e o concelleiro de Promoción Económica, José Manuel Iglesias, farán este xoves balance do foro nunha rolda de prensa a celebrar ás 11:45 horas na Sala de Prensa do Colexio de Fonseca.