A Área de Deportes da USC ofrece vinte e un cursos para este cuadrimestre

A Área de Deportes, dependente da Vicerreitoría de Cultura da USC, abre o prazo de inscrición no primeiro cuadrimestre para vinte e un cursos deportivos. A matrícula xa se pode formalizar nas oficinas situadas no primeiro andar do edificio da piscina universitaria.
As persoas interesadas poden escoller actividades como aerobic e ‘steps’, atletismo, bailes de salón, batuka, capoeira, danza do ventre, escola da columna, esgrima, expresión corporal, expresión da voz, gym-dance, judo, karate, karate infantil, kung-fu, pilates, taekwon-do, tai-chi, xadrez, ximnasia de mantemento e ximnasia terapéutica.