Mércores 19 de febreiro, ás 19.00 horas
O relatorio correrá a cargo de Jesús A. López Romalde, catedrático de Microbioloxía e Parasitoloxía e directivo de Alumni USC
O microbioma é o conxunto de microorganismos que viven nun organismo, incluíndo o corpo humano, e nos últimos anos grazas ás novas técnicas de secuenciación masiva coñécese a gran importancia que ten tanto para o desenvolvemento normal como para o mantemento da saúde. A conferencia intentará acercar aos asistentes ao coñecemento que na actualidade se ten do microbioma e as súas relacións con diferentes enfermidades.