O relatorio correrá a cargo de José Luis Verdegay da Universidade de Granada
Os sistemas baseados en Intelixencia Artificial chegaron a lograr niveis de competencia na toma de decisións que en moitos ámbitos igualan, cando non superan, aos das persoas. Trátase de Sistemas Autónomos de Decisión que aínda que poden aumentar a capacidade e eficiencia das persoas nos seus respectivos ámbitos de actuación, tamén poderían substituír a estas, algo que preocupa ao conxunto da Sociedade.
Deste xeito, evitar posibles disfuncións nestes sistemas, tanto de funcionamento como de substitución de persoas, é un obxectivo social, científico e tecnolóxico prioritario, que fai máis necesario que nunca contar con modelos que recollan toda a riqueza e variedade dos problemas de decisión que hai que afrontar e que atendan as formulacións éticas que deben guiar o seu funcionamento. Este relatorio está dedicado a describir estes aspectos. José Luis Verdegay é Catedrático de Ciencias da Computación e Intelixencia Artificial da Universidade de Granada.