Cinco relatoras participan na Facultade de ADE na mesa redonda 'Nosoutras, as mulleres de empresa', organizada pola Comisión de Xénero do centro universitario co gallo do Día Internacional da Muller
A Facultade de Administración e Dirección de Empresas do Campus de Lugo da USC celebra o luns 9 de marzo, a partir das 12.00 horas, na aula 2 do centro, a mesa redonda ‘Nosoutras, as mulleres de empresa’, promovida pola Comisión de Xénero da facultade co gallo do Día Internacional da Muller.
A vicerreitora de Coordinación do Campus de Lugo da USC, Montserrat Valcárcel, e a decana da Facultade de ADE, Begoña Barreiro, presentarán este acto, no marco de que cinco relatoras darán conta da súas experiencias como mulleres de empresa.
A técnico da Área de Orientación Laboral da USC no Campus de Lugo, Gloria Cruz, moderará este coloquio, no que intervirán a adxunta á Dirección do Hotel Balneario de Lugo, Carmen Garaloces Gandoy; a directora axunta de BSCH, Pilar López Seijo; a alcaldesa de Trabada, Mayra García, Lorena Vázquez Álvarez, responsable de desenvolvemento de Noa Innova, e Rosalía Rodríguez Dosil, do departamento de administración de P&J Carrasco S.L