Olimpia Valencia López licenciouse en Medicina pola USC no ano 1925, con Premio Extraordinario
Co gallo da conmemoración do Día Internacional da Muller, a Facultade de Medicina e Odontoloxía organiza un acto para designar a Biblioteca do Centro co nome da doutora Olimpia Valencia López. O acto contará coa presenza da familia da homenaxeada.
Natural de Baltar (Ourense), Olimpia Valencia López licenciouse en Medicina pola USC no ano 1925, con Premio Extraordinario. Muller vencellada ao movemento galegista, participou na fundación da Academia Médico-Cirúrxica de Vigo, e adicou toda a sua vida profesional á xinecoloxía como facultativa da Seguridade Social. No seu consultorio na cidade de Vigo figuraba unha placa que dicía 'Olimpia Valencia. Especialista en enfermedades de la mujer'.