Obradoiros para os máis pequenos da casa

O Museo de Historia Natural (MHN) da USC está a impulsar durante o confinamento unha serie de obradoiros dirixidos aos nenos e nenas a través da súa páxina web. Cada martes e cada xoves, o MHN publica unha actividade manual, ficha informativa e preguntas sobre o tema a tratar. O alumnado participante pode enviar os resultados dos seus exercicios ao enderezo electrónico visitas.museohistorianatural [at] usc.es (visitas[dot]museohistorianatural[at]usc[dot]es)

A web do museo xa publicou dúas actividades durante o período de confinamento. Na primeira delas, os máis pequenos da casa puideron descubrir a importancia dos caracois na natureza, mentres que na segunda, afondouse no concepto de biodegradación.