Organiza a Cátedra Iberoamericana da USC, en colaboración coa Fundación Euroamérica, no marco da Axenda 2030
O vindeiro mércores 7 de outubro, ás 16.00 horas (hora española) terá lugar a videoconferencia 'A UE e América Latina despois da COVID-19', enmarcada no ciclo 'Conversas Iberoamericanas'.
O encontro contará con Antonio López, reitor da USC, como presidente, e Maria Cadaval, directora da Cátedra Iberoamericana, como moderadora. As conversas, divididas en dous bloques titulados 'As relacións entre a Unión Europea e América Latina despois da COVID-19' e 'A estratexia da Comisión Europea: Next Generation EU e as ensinanzas da crise', serán impartidas, respectivamente, por Ramón Jáuregui, presidente da Fundación Euroamérica, e por Carsten Moser, vicepresidente da Fundación Euroamérica.