Actividade financiada con fondos do Pacto de Estado contra a violencia de xénero (Ministerio de Igualdade)
O seminario internacional 'Pacto de Estado contra a violencia de xénero: aspectos penais e criminolóxicos da violencia de xénero contra mulleres maiores de 65 anos' terá lugar os días 28 e 30 de outubro ás 16.00 horas.
Esta segunda xornada comezará con Flávia Noversa Loureiro, da Universidade do Minho, que falará sobre 'A violência de género contra maiores de 65 anos - perspetiva portuguesa'. A mesa redonda, a cargo de María Marta González Tascón, da Universidade de Oviedo, e María del Mar Moya Fuentes, da Universidade de Alicante, abordará 'Unha aproximación ao fenómeno da violencia sexual en mulleres de 65 anos en adiante' e o 'Tratamento penal da violencia de xénero en entornos virtuais'. Para rematar, deixarase paso ás comunicacións enviadas.
Para asistir a este encontro virtual cómpre unha inscrición previa e de balde, enviando un email á dirección de correo electrónico maria.castro.corredoira [at] usc.es (maria[dot]castro[dot]corredoira[at]usc[dot]es).