Estas sesións son froito da colaboración entre o Grupo de Investigación Terceira Xeración da USC (TeXe), a Campaña Mundial pola Educación e Solidariedade Internacional de Galicia
O relatorio 'Ecofeminismo(s). Tecendo un futuro común' céntrase na fenda de xénero, os coidados no social, as defensoras de dereitos e o futuro en equidade.
As VI Xornadas de Educación para o Desenvolvemento e a Cidadanía Global pretenden xerar espazos de diálogo e reflexión sobre as consecuencias e oportunidades da pandemia no ámbito da educación, xerar compromiso coa construción dunha cidadanía activa, crítica e solidaria; e dar a coñecer entre alumnado e docentes o traballo das entidades sociais galegas.
Por primeira vez, a celebración destas xornadas desenvolverase en formato virtual. A inscrición pode realizarse a través desta ligazón.