Proxecto do Instituto de las Mujeres e a Universidade de Santiago de Compostela
Dentro das actividades formativas do Programa Innovatia 8.3, cuxo obxectivo principal consiste en introducir a perspectiva de xénero nos procesos de transferencia de coñecemento e na creación de empresas, enmárcase o curso 'Emprendemento Feminino e Competencias Dixitais para o desenvolvemento de Negocio: Marketing Dixital e Perspectiva de Xénero'.
Esta formación de balde terá lugar do 23 de setembro ao 23 de outubro de 2021 nun formato en liña, e estará dirixido a mulleres do ámbito universitario, emprendedoras ou mulleres que se atopen na fase de emprendemento, que teñan inquietude por descubrir estratexias e ferramentas para coñecer e mellorar as súas competencias dixitais e coñecementos sobre marketing dixital con perspectiva de xénero.
A duración do curso é de 30 horas, e as prazas están limitadas a 40 alumnas. O prazo de inscrición permanecerá aberto ata o vindeiro 20 de setembro nesta ligazón.