A vicerreitora Montserrat Valcárcel e o Secretario Xeral de Emigración, Antonio Rodríguez Miranda, reúnense este xoves, ás 10.00 horas, na Facultade de Humanidades, con universitarios galegos ou descendentes de galegos retornados
O Secretario Xeral de Emigración da Xunta de Galicia, Antonio Rodríguez Miranda, e a vicerreitora de Coordinación do Campus de Lugo, Montserrat Valcárcel, ofrecen este xoves, a partir das 10.00 horas, no salón de actos da Facultade de Humanidades, unha recepción ao estudantado universitario que se está a beneficiar das Bolsas Excelencia Mocidade Exterior (BEME) que cada ano convoca a Xunta de Galicia en aras a favorecer o retorno de estudantes galegos emigrados ou dos seus descendentes.
Este encontro, no que tamén participarán a Subdirectora Xeral de Retorno, Mª Begoña Solís Domínguez, e Jesús Villadóniga Gómez, xefe do Servizo de Planificación e Xestión de Programas de Retorno, servirá para coñecer as impresións dos emigrantes retornados, ademais de para presentar nun acto público a Asociación da Mocidade Emigrante Retornada a Galicia (Ajerga) e os servizos que ofrece ás persoas interesadas.