Homenaxe a profesorado da Facultade de Ciencias Económicas e Empresariais falecido nos dous últimos anos

O vindeiro mércores 20 de outubro terá lugar un acto homenaxe ao profesorado de Ciencias Económicas e Empresariais falecido nos dous últimos anos, que estará presidido polo reitor da USC, Antonio López.

Tras unha peza musical e o saúdo do reitor, intervirá profesorado da facultade para falar en homenaxe aos compañeiros e a compañeira falecidos: Xosé L. Quiñoá, Fausto Dopico, Manuel Jordán, José Duro, Salomé Taboada e Luis Caramés, ademais de facer entrega dun recordo aos familiares de cada un deles.

O evento poderá seguirse en liña nesta ligazón.