A sesión desenvolverase o luns 22 de novembro, ás 11.00 horas, no salón de actos da Escola Politécnica Superior de Enxeñaría do Campus de Lugo
A vicerreitora de Coordinación do Campus de Lugo, Montserrat Armesto; o vicepresidente da Xunta de Galicia, Francisco Conde; o director da Plataforma da Enxeñaría da Madeira Estrutural (Pemade) da USC, Manuel Guaita, e o responsable da área de I+D+i de Finsa, Santiago Recamán, clausurarán o luns 22 de novembro, a partir das 11.00 horas, a unidade mixta de investigación Eixo, unha iniciativa promovida pola USC, a través de Pemade e Finsa, co obxecto de avanzar cara a economía circular da madeira e na construción baixo enerxética.
A sesión de clausura desenvolverase no salón de actos da Escola Politécnica Superior de Enxeñaría da USC, onde os distintos relatores darán conta das actividades realizadas ao longo do período de vixencia desta iniciativa, así como dos obxectivos acadados. Ao remate das intervencións farase un ensaio de materiais no laboratorio de Pemade.